NIVEA

舒敏修復潤膚露

10初有兩日天氣最似秋天，濕度得返50％，自己又剛回港，皮膚不太適應，乾到有點痕癢，剛巧收到了cosme寄來的Nivea 舒敏修復潤膚露試用商品，咁梗係立即試用啦。

Nivea舒敏修復潤膚露主打適合極度乾燥肌人士使用，如果你以為佢嘅質地一定比較厚身和油膩，咁你就估錯啦。我自己一向有用開Nivea其他body lotion, 比較之下，Nivea舒敏修復潤膚露肯定唔算黏𣲷，很易推開，皮膚都吸收得很快，抹開後我感覺到在肌膚上好似延伸了一層薄薄嘅滋潤，雖然多咗一層滋潤薄膜但又唔會侷身，唔會立黐黐，本來乾燥小腿上痕癢感覺，很快就被舒緩咗。

連續用咗幾日，皮膚都感覺良好，特別係沐浴後使用，皮膚容易乾燥繃緊痕癢嘅感覺都好快可以被舒緩，就算第二日瞓醒，有時忘記再補點潤膚露，皮膚都無咩痕癢，都不容易起刮痕。

呢支Nivea舒敏修復潤膚露性價比真係幾高，＄45.9就有400ml，試用後都覺得十分適合我呢啲部分皮膚極度乾燥嘅人，下次如購買潤膚露，呢支肯定會是我考慮之選。