NIVEA

舒敏修復潤膚露

多謝cosme今次抽中我試用呢款潤膚露，我平時都有習慣搽潤膚乳，不過未試過呢個牌子。我係好怕啲潤膚乳質地搽落會好苙好焗，搞到皮膚會痕痕地，咁就真係唔搽好過搽喇。

今次呢款產品雖然質地都厚身，但係唔會有好唔舒服嗰種黏苙感，搽番開都好清爽，搽嘅時候有少許涼涼嘅感覺。我認為可以有效咁舒緩皮膚好乾燥緊繃嘅狀態，即時俾到保濕嘅作用，我通常搽喺手同手臂，都可以keep得耐都潤，但係如果例如手指罅之間乾燥嘅位置，就建議搽番護手霜。

整體來講性價比唔錯，容量都多，可以試下，同埋有陣淡牛奶味都幾香！