LA ROCHE-POSAY

CICAPLAST B5萬用修復霜

今次試用嘅產品係我一直放喺wishlist 已久，想到好多人讚好嘅面孔霜，所以非常感謝@cosme 比呢次機會，終於可以試用到啦😍😍

呢隻面霜出名係急救用，對於敏感，泛紅，乾燥都有一定修復作用，而且仲要係快見效。

質地感覺唔算厚身，但上面後都有一定厚度，塗完會有種黏膩感，但如果係乾肌會感覺滋潤。

由於本人係混合性膚質，夏天對我嚟講會有啲厚身，但佢最少唔會令我出粒粒，只係會有啲過份滋潤，如果冬天乾燥用就非常好。剛好早排打完高能量laser, 面部泛紅有脫皮，於是馬上拎呢支B5面霜試下。連續早晚搽咗一個星期，鼻頭同兩邊面頰已經退晒紅，仲要冇脫皮，直接上妝都好平滑，唔會起擦膠醉，簡直令我驚訝。之前搽到好滋潤嘅面霜點都會有乾同脫皮，最少要差不多兩個星期先會好返，但而家用呢枝B5修復面霜，只係用咗一星期，就變返正常，狀態仲好過之前。

好多謝試用係一支正貨裝，用完都會再回購，實在太好用，不過油肌嘅人就要注意份量，但乾肌同敏感肌一定會覺得好好用。