LANCÔME

淨澈亮肌精華水 (Clarifique極光水) (已停產)

首先多謝@Cosme抽中我參與今次Lancôme極光水。根據試用建議，使用過後皮膚都好左好多～

咁講一講呢排自己既皮膚狀態先啦，我就係混合性偏乾，但係因為戴口罩既緣故，個鼻爆左超級多黑頭！有時都唔知應該做保濕好定係做清潔面膜好。唔做清潔面膜，啲黑頭唔浮出來，又唔敢夾硬擠；做清潔面膜又怕搞到皮膚更加乾，繼而引發其他皮膚問題。

我用Lancôme極光水既方法就係沖涼後擦乾面，左右搖晃極光水，等精華水同油融合埋一齊先，呢個時候，極光水會出現好多微小既氣泡。呢個狀態既時候，我會用極光水抹下塊面先，做個簡單清潔。然後再噴保濕噴霧或用手拍保濕型既爽膚水，再繼續一般既肌膚護理。建議乾肌朋友用完極光水後用保濕型爽膚水，咁樣會無咁乾，塊面唔會扯着扯着咁。


用左1星期多少少之後，發現自己皮膚少左啲黑頭，膚色光亮左，感覺好通透，乾既朋友都要做清潔架，唔係純保濕就夠，推薦有興趣既朋友入手，唔會後悔！