b.glen

長效防曬水潤肌精華

首先多謝@cosme同埋@b.glen抽中我參加今次試用活動，令我有機會試用b.glen 礦物泥洗面乳同埋長效防曬水潤肌精華。
之前都曾經有有朋友推介過呢個防曬精華，但自己本身有D怕搽防曬，雖然自己好怕曬黑，但係香港夏天熱都算，仲要又焗又濕，次次搽完防曬一出室外已經大叫救命，搞到自己成日都唔敢搽！本身洗面後已經要搽toner、精華、面霜/乳液、眼霜，已經咁多野搽，仲要搽防曬真係令自己搽既意欲減低好多好多。奈何自己真係太怕曬傷、曬黑，唯有減少啲室外活動令自己唔需要經常搽防曬，但係夏天真係好難減少啊啊啊啊XDDDD！
收到呢個防曬精華乳後，本身都有啲擔心，始終見到係白色，好怕搽完之後面上會泛白成隻鬼咁。第一次用呢個防曬精華乳既時候，好記得係自己就來遲到（細聲D講，慚愧慚愧），洗完面就咁用保濕噴霧噴濕塊面做個基本保濕，然後極速搽呢個防曬精華，然後衝出門去沙灘。
真心，改變左我對防曬既既有認知。保濕度足夠，延展性高，好容易推開，好輕薄，唔會覺得有層膜係面，唔會黏lup，仲唔會泛白！好記得當日去沙灘33度，但係D防曬唔會化開搞到成面油，比左一個新既防曬體驗我，令我唔抗拒用防曬去參加室外活動！大推大推！真係用完爽膚水直接搽呢個防曬精華都得啊！懶人必備！值得一試！