LANCÔME

淨澈亮肌精華水(Clarifique極光水) (已停產)

首先多謝@cosme 抽中我試用Lancome 極光水，因為一開始冇收到中獎email，遲咗收貨，但我決定都係要完整試左一星期先寫評論，所以遲左寫評論，講聲，唔好意思先。下次唔好唔抽我呀😆🙏🏾

講返支極光水，分為兩層，上面係一層薄薄油潤精華，下面係水，記住要搖勻先好搽上面，我分別試過用化妝棉同直接手上，覺得始終用手上會比較吸收，因為化妝棉就算幾薄，都會吸咗好多精華走。

極光水主要話可以令肌膚水光透亮、更顯淨澈、同會令毛孔變得緊緻。
因為我之前去咗脫疣，應該係個醫生做得差，度數較太大，搞到我本來白滑嘅皮膚變咗多咗好多窿窿同埋黑色點點，啲黑色素出晒嚟，好唔開心，但今次試用極光水，覺得啲點點真係淡番啲、望落幼滑、亮澤番👍🏻 會繼續試多3星期，睇吓係咪真係 可以換膚， 真係嘅話會回購！