LANCÔME

淨澈亮肌精華水 (Clarifique極光水) (已停產)

感謝@cosme 提供LANCÔME GÉNIFIQUE小黑瓶 及 CLARIFIQUE極光水的試用🥰 第一次就抽中！😍

本身都有聽過小黑瓶效果好好，終於都有機會試～整體效果都唔錯，值得推薦😚

First Step: 極光水
特點: 雙層配方 - 澄透精華水及油潤精華經嚴格配製，以獨特的97 : 3比例將成份揉合於兩種精華質地，確保水漾護膚配方可發揮強大的煥活功效，7天水光透亮。
-> 令肌膚膚色更亮澤水潤☺️

Second Step: 小黑瓶
特點：啟發自微生態科研，專利配方蘊含7種「微生態」營養素 (益生元及益生菌萃取物)。一滴蘊含3000萬益生菌萃取物6 ，為肌膚提供所需營養。更含有透明質酸及維他命CG，有助肌膚保持水份及改善膚色。
-> 簡單啲嚟講佢可以鞏固肌膚屏障，令皮膚更穩定，減少敏感👍🏻

Before & After + 用後感受

本身自己係乾肌，鼻翼嗰邊會有少少泛紅🥲如果唔夠保濕仲會甩皮🫠洗完面會有少少緊繃，用化妝棉搽極光水已經feel到塊面好清爽同有光澤感🥹

之後就搽埋小黑瓶，呢個精華真係好正，唔需要太多嘅量都足夠全面用😍仲要唔癡笠笠，同用緊嗰啲精華感覺好唔同🤣

平時多數出入冷氣房，搽極光水加小黑瓶都已經好夠保濕，唔需要面霜（我嫌太厚重🤣）👍🏻呢排天氣都較為炎熱，出街曬到好熱冒少少汗，塊面個濕度都冇乜變，而且冇出油🥹對比之前，用咗呢2個產品後皮膚的確比較穩定，就算溫差大皮膚冇乜變化👍🏻

皮膚狀態而言，呢2款產品都令肌膚更光澤同減細毛孔，本身好似我偏乾肌嘅sis都值得一試～