MAYBELLINE

FIT ME！柔滑遮瑕膏

一直用左好多年佢既礦物粉底， 對佢礦物產品都有信心， 今次試完了FIT ME 礦物粉底液同遮瑕膏， 朝早七點出門到九點食完飯回家 ，總共上妝大約14小時，都可以保持霧化效果。

有幸試用了FIT ME 粉底液同遮瑕膏，色系有好多種， 好適合亞洲人皮膚， 總有一種顏色適合。 今次可以試唔同色 ， 令我更了解自己適合咩色號， 較深色既粉底我可以用黎做面頰既陰影。 如果唔了解自己用咩色系， 建議可以去專櫃架試試顏色。

Maybelline遮瑕膏真係出名左好多年， 平時面上既瑕疵， 凹凸位/黑眼圈， 用單一既粉底唔係咁易可以遮蓋。 所以遮瑕膏就好幫到手。 先全面上一層粉底， 再重點印於黑眼圈， 由內印到外。之後再攞少量印於暗瘡位置。 碎粉可以選擇用或不用都可以， 不用怕容易脫妝/出油。

值得一提遮瑕膏幼身設計， 更方便我攞出街萬一要補妝時使用。 遮瑕膏既掃位於蓋子， 一扭開就可以用， 小海綿頭 方便控制遮瑕膏份量， 可以直接點係面上， 之後再用手指推開。 配合埋maybelline粉底液 令妝容更完美無瑕， 毛孔都能遮蓋曬。