SCALP-D

補濕潤澤藥用防脫護髮膜

呢款SCALP-D保濕潤澤藥用防脫護髮膜專門針對女士荷爾蒙脫髮而設計。

香港人生活壓力大，情緒緊繃。容易導致男性荷爾蒙增加，女性荷爾蒙減少，引起脫髮問題。

我自己因為頭髮比較細柔，一脫髮就會好明顯，所以試下呢枝SCALP-D保濕潤澤藥用防脫護髮膜睇吓可唔可以改善到問題。

點解會試呢枝護髮膜呢？因為呢款護髮膜係連頭皮都可以用得嘅
護髮膜。 佢有3種育毛、健髮成份，可以促進頭皮同毛囊膠原蛋白代謝，強健髮根。仲添加咗銀耳多醣，可以深層補濕同鎖住水份。

呢枝護髮膜味道係淡淡的玫瑰花味，唔會太濃，一路聞一路護髮真係好relax

好似我之前所講，呢啲護髮膜佢連頭皮都可以塗，用完頭皮可能因為保咗濕，無咁容易痕癢。 而且出奇係用完頭皮都唔會好大負擔，冇出油同埋頭髮扁塌問題。

另外佢嘅掃除毛燥滋潤效果不錯，用後髮絲保濕，梳時變得柔順冇咁容易打結。

用咗一段時間，我對呢啲護髮膜係滿意，因為頭髮真係強韌咗，梳頭時冇咁多髮絲掉落