CANMAKE TOKYO

絲滑梳乎厘眼影

呢隻係06號CANMAKE 絲滑梳乎厘眼影 Topaz Pink 薄霧粉紅💕
根據官方講法分咗ABCD四隻色 (可參考相片)，就跟翻呢個代號黎講😂
本人係比較黃黑底偏油性皮膚，用完覺得不錯，以呢個價錢黎講性價比超高👍🏻 效果都幾好，新手都適合使用，一般日常妝都啱用嘅色，咁就開始詳細講啦~

顏色方面：搽上去同實物一樣色，無咩偏差，薄搽就當然地會深色D。A係白底嘅淺粉色，B係暗DD嘅粉紅，C係淺酒紅色，D係偏啡嘅深紅色。ABC都係比較多閃粉嘅亮色，而D係少閃粉實色D。A多搽都唔會好顯眼，適合打底使用，B嘅顏色係根據份量而會深色D，CD顏色比較深同明顯，盡量用少D慢慢層搽比較安全。雖然話佢隻色對版，但係因為閃粉關係，係係唔同嘅燈光底下會有唔同色，而黃光嘅時候有D偏向紫紅色，比想像中深色咗D，個妝感會濃咗。整體黎講係粉紅紫色、好有光澤感嘅化妝品。

質地方面：4隻都係易上手，少少軟身易沾，輕薄唔厚重，而佢附有嘅刷頭都易沾，唔會話唔上色。D粉幾細，上完貼服，易沾得黎唔會好浮粉，搽嘅時候都唔會入眼。D粉亦都唔會話好乾搞到隻眼有紋，反而係幾有光澤水潤嘅感覺，唔會唔舒服。

持久方面：妝感上一般持久，用咗幾個鐘個妝容大致相同，但係點都會(high)走甩咗少少粉，成個淡色咗少少。

卸妝方面：因為佢本身都係一般持久，又軟同輕身，上眼後耐都會少少掉粉，所以貼服得黎其實都唔會話唔甩得。我用卸妝膏就咁輕輕一搽打幾個圈就已經融甩曬，一沖水已經好乾淨，所以係好好卸好方便嘅產品。

敏感方面：我個人皮膚有少少敏感(真係只有少少)，雖然未必可以人人都作準，但係我個人用完都無事，無任何不適，係適合我用嘅。(本人平日護膚品敏感問題較化妝多)

個入感想：因為黃底皮膚關係，其實自己平時會用橙啡色系，少用紅粉色系，所以有少少唔習慣，呢隻色用完無咩特別感覺，亦不太驚喜😅(個人喜好問題)。感覺粉紅色襯白底人會好，顯白同粉嫩嘅感覺。不過我用上黎都唔錯，同埋主要以C色為主令到隻眼無咁亮色😂 呢4隻色跟據唔同膚色用返唔同比例應該都適合使用，係令人有春天粉嫩感覺，薄薄一層咁搽令個人更有氣色。整體上係唔錯嘅眼影，新手都適合使用，唔會話太重色，一般日常妝都啱用嘅色，好大眾化嘅產品😁💯
P.S. 個海綿刷頭幾好搽，兩個頭一大一細方便用又易上色👍🏻