BOBBI BROWN

維他命營養底霜

今次要參與嘅@cosme 試用活動係 Bobbi Brown 全新推出嘅 ~ 維他命營養底霜 ~ 連續用咗五日，以下係我嘅少少分享。

首先，我覺得呢款底霜嘅鎖水效果好好。搽咗同系列嘅 維他命營養柔亮精華 可以即時補濕，而呢款底霜 on top 加上去就感覺到水份可以鎖住係肌膚。皮膚除咗覺得滋潤咗，仲覺得平滑咗，之後化妝都明顯比無用底霜更加貼服。

喺持妝度方面，我平時化妝大約五個鐘之後，鼻翼位會開始脫妝甩皮。用咗呢款底妝之後，鼻翼位到大約九個鐘後都維持到妝效，更加無甩皮嘅情況出現。

除咗持妝度好滿意之外，我仲好鐘意呢款產品嘅質地同香味。佢嘅質地好似cream cheese咁，濃稠但易推開。香味係清新嘅橘子味，每朝早用佢都有refresh嘅感覺。#火熱新品