Domohorn Wrinkle

Milky Veil Lotion

簡介：
Domohorn Wrinkle係日本好岀名嘅Anti-aging 護膚品牌，走先試用得購買路線，証明品牌對品質好有信心。一直有一個傳說，如果用過Domohorn Wrinkle就會返唔到轉頭，所以試之前要下好大決心。🤣

Domohorn Wrinkle全線產品只有8個items，我今次試用嘅係基本4點set，包括：
Intense Hydrator(保濕液)
Vital White Essence （美活肌精華）
Cream20（乳霜）
Milky Veil Lotion（保濕乳液）

試用方法：
佢每枝都有號碼，所以唔會用錯次序。
我連續用咗1個星期，早晚都用佢，因為set入面無卸妝，洗面同眼霜，所以呢3樣我就用自己一直用開嘅產品。

試用感想：
Milky Veil Lotion（保濕乳液）
一般護膚程序都係先乳液，唔夠潤先再加cream，但我睇咗好多次個說明都係用完cream再加乳液，不過用咗第一次就知點解。
因為cream真係好快吸收，但相比起反而呢支乳液吸收得好慢。
用法都係唧1pump，喺掌心推開，再用按壓方式上面直至吸收為止。呢支雖然難吸收，但佢有一陣薑味好舒緩，而且吸收哂之後塊面好滑♥️所以我都鍾意嘅，但太花時間，所以只俾5⭐️

試用結果：
因為一次轉用哂4個items，好難講邊一樣好，所以講一個整體結果。
開頭會擔心只有呢幾個簡單嘅items，喺呢幾日咁凍咁乾嘅天氣會唔會唔夠，但神奇地反而比自己用開嘅更加保濕，一啲乾嘅感覺都無。
而且每日用按壓手法去做護膚程序，可以感覺到皮膚嘅變化，我可以感覺到皮膚有變軟，毛孔有細咗少少，乾紋都有改善咗，整體感覺非常好，會想一直用落去。