KOSE 雪肌精

藥用雪肌精美白化妝水 <透亮精華版>

首先謝謝@cosmehk同@kosehongkong俾呢個試用機會我😁

我一直都係雪肌精嘅忠粉，尤其夏天無咗佢真係唔得。我最鍾意用佢嚟濕敷，美白效果好明顯，同埋入面有薏仁同適量酒精（我對酒精無敏感）成份，可以令暗瘡暗粒消炎消腫，我覺得會快啲好，仲有可以令毛孔收縮為皮膚降溫，總之夏天無咗佢真係唔得了。

不過講咗咁耐，都仲係講緊舊版🤣

因為被抽中參加新版雪肌精嘅試用活動，所以我已經試咗新版喇！！！！
新版睇外表同舊版無咩分別，點知！！！佢嘅內涵係完全煥然一新！舊版係偏向透明有少少少少奶白色，香味係薏仁夾雜少少酒精味，質地係好似水咁流動。
但係新版係唔透明嘅奶白色，香味冇咗酒精味，質地亦都比以前豐厚少少。我同之前一樣用佢嚟做濕敷，因為無咗酒精味，所以成個過程都好relax唔會覺得有任何刺激。敷完之後有好水潤嘅感覺，舊版係表面潤，但新版係感受到潤到底，而且美白效果比舊版更明顯，每次敷完都會覺得亮白咗，所以相比起舊版，新版真係進化太多，變得更好👍呢個夏天靠你喇！