CLINIQUE

第3代升級版勻淨科研亮白淡斑雙效精華 (Laser淡斑去印精華)

再次多謝cosme挑選咗我作今次試用，對於我呢啲無論搽咩防曬都一曬即黑嘅人，曬黑事小，攪到啲暗瘡印更加深色同皮膚乾事大！
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
細個嗰陣用過美白精華，攪到暗瘡出得仲勁；大個咗用美白產品，又攪到皮膚好乾，但估唔到CLINIQUE今次嘅「升級版勻淨科研亮白淡斑雙效精華」帶比我全新嘅美白體驗。
⋯⋯⋯⋯⋯⋯⋯⋯⋯⋯⋯⋯⋯⋯⋯
佢係泵裝設計，好處唔怕受外來污染，壞處就有時最尾用淨少少🤏係底部，泵唔到出嚟就浪費咗。
佢係帶有透明感嘅白色，質感都似乳液，而唔係gel，所以好透薄，一抹已經吸收，有輕微水潤感又唔會黏住係塊面！用左一個星期， 話即刻變白就呃人嘅，不過肌膚就真係透亮咗，啲暗瘡印淡咗好多，我諗退得咁快，可能係同時用埋「全新極致勻淨科研亮肌精華水」，加速咗呢個化學作用！