Avene

極速舒敏修護霜

多謝@cosme 贈我 AVÈNE嘅再生修護精華 +皇牌極速舒敏修護霜！搶救我呢兩星期嘅爛面！
我習慣開精華先，分開同加埋一齊用嘅感覺，更加可以試真啲產品。
用咗兩日精華已經好鍾意！但估唔到極速舒敏修護霜更令我喜出望外！
佢係好得意嘅牙膏包裝再配以泵裝設計，係我第一次用呢種設計嘅護膚品！早排因為戶外活動多，成日吹風🌬，皮膚吹到一撻撻嘅紅腫，毛孔突好似放大10倍咁！朝早照鏡🪞都冇心機。一唧出嚟，比鬼想像中「杰身」，接近「藥膏狀」，但用手指打圈塗上面，好易塗勻；吸收速度非常快，但又唔會好快乾，沖涼後塗，都臨瞓，都有滋潤感！
之前提及精華用咗兩日已經比到我驚喜，紅腫退曬；再配以極速舒敏修護霜用咗一星期，毛孔收咗6-7成，乾燥嗰種龜裂痛感冇曬！
最緊要平時我最怕面霜同返工粉底液唔夾，出曬「擦膠碎」，佢絕對冇呢個問題，因為絕無誇張，佢係瞬間吸收！
就算假日唔想化妝，塗完佢會有種光澤感！$286/40ml已經有咁嘅效果，相當抵買！有時身體有啲位乾到痕，我都用佢，佢可以舒緩紅同痕嘅情況。
而且好多地方：萬寧、屈臣氏⋯都買到，真係急救皮膚嘅孖寶！