CLINIQUE

第3代升級版勻淨科研亮白淡斑雙效精華 (Laser淡斑去印精華)

好多謝被@cosme 抽中試用CLINIQUE既Laser淡斑去印精華 (升級版勻淨科研亮白淡斑雙效精華) 同升級版勻淨科研補濕亮肌精華水。

Laser淡斑去印精華樽身係采用幻彩雷射面，有一種好科技嘅感覺。而且泵裝設計，唔怕受外來污染，每次用一泵，非常衛生方便。
精華帶有透明乳白色，質感似有少少厚身嘅gel，但都容易推開而且好快被吸收所以好透薄，唔會黏笠但又會感覺有一層好薄嘅膜係臉上。

我一開始都係想先用精華水再到用精華，但我見精精嘅樽身寫before moisturising, 所以我個人係用咗精華先再用精華水。其實我都唔係太清楚正確步驟係咩。我每次會用一泵份量推均勻全面再倒精神水落化妝綿上拍上面。

我膚質係混合性偏乾。試用咗8日，早晚各用一次，效果我個人覺得有去黃效果，膚色有比之前提亮少少但唔好諗住可以白一度咁誇張。(當然長期使用效果應該會更加明顯)肌膚有變緊緻但保濕度差少少。呢兩日天氣變凍就即刻唔夠保濕，要配搭返一隻較保濕嘅面霜。我個人會覺得冬天會比較適合中性肌到混合性偏油人士使用。但夏天就應該會適合返乾肌使用。