KERASTASE

逆時光至臻修護浴髮乳

多謝@ cosme的試用。
之前都有用開紫色樽身漂染修護條line。因為我呢兩年都keep住漂髮，啲頭髮經常毛躁狀態，本身髮質都係偏粗硬嘅，所以感覺成個頭望落乾旱同亂糟糟。

而因為成日漂染，所以都接觸咗不同牌子髮膜，髮尾油嘅產品，日韓台歐美內地都試過下。而Kerastase 係芸芸頭髮產品當中，屬偏中高檔位置，唔係話咁易入手，但當發覺試完一輪，價錢貴少少但見效快嘅話，過你買一堆平嘅慢慢養返個頭。
呢方而kerastase真係對得住價錢嘅，3件產品當中，首推髮尾油，都有同玩開香水嘅fd去試香，佢精華油本身香味分哂前中後調，真係玩緊香水咁feel, 而持香度都耐，都有半日，係舒服柔和嘅木香調。而質地都清爽，吸收都快，搽完最緊要對手唔會仲有層油黐住。髮尾啲毛躁少咗，出咗去成日都仲
有順滑感。

其次，髮膜我係直接當護髮素用，我頭髮長度去膊頭，唔使用多，均勻搽下半part頭髮，洗完頭髮順滑咗，長期用直髮夾嘅我，真係用完再夾頭明顯睇到分別，唔會好旱 ，有少少光澤咁。

最後洗髮水就老實講感覺唔大，因為我髮質偏乾旱，洗頭沖完果下，成日會一撮撮或打結，咁逆時呢個系列嘅洗頭水就中規中矩，無打結情況，但無話想像中咁柔順貼服，反而漂染開嘅朋友，想推佢嘅紫色瓶身果個系列，香味唔錯，洗完都順滑嘅，有keep住回購。

總結，應該會再買護髮油，整體cp值頗高。