KERASTASE

逆時光至臻修護髮膜

好開心今次抽中我去試用！好多謝cosme🩵🩵🩵
首先，我說明一下我本身既髮質，我天生係攣頭髮，髮量又多又易毛燥又硬，同埋我曾經有漂染過，所以啲髮質都真係好一般🥲……平時都幾難打理下！所以我對美髮用品都有啲要求！
今次試用咗Kerastase系列之後，都覺得唔錯！

洗頭水：好溫和，潔淨度都好好～唔係笠！用完之後，髮絲順滑左，同埋明顯柔軟咗（因為我啲頭髮真係比較硬）！冇咁容易打結！香味都OK！

護髮素：好滋潤，但又唔係笠！用完頭髮明顯貼服咗，同埋易梳咗！唔打結～不過香味就比洗頭水濃，如果香味淡少少會更好！

髮尾油：幾樣我最滿意的！佢雖然係油，但係摸上手不油不膩，唔會笠黐黐！我自己最怕係用完半日就笠到飛起果啲髮油尾！呢隻完全唔笠，用完仲幾有光澤，望落去，又順滑咗、又貼服咗！同埋佢真係可以軟化到我啲超硬髮絲！！！呢樣係我最鍾意！佢既香味仲幾好～～咁多支嚟講，我最鍾意髮尾油隻味～搽完一段時間都香噴噴！

總括嚟講，我幾鍾意呢個系列，長期用既話，應該會更加有效果👍🏻👍🏻👍🏻不過呢個系列嘅護髮素香味比較濃，可能未必每一個人都喜愛，但我自己就幾鍾意！會再想encore佢支髮尾油！