KERASTASE

逆時光至臻香氛修護精華

感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！

首先申報一下自己頭髮嘅狀況：中短長度，頭皮及髮質中性偏乾，一年染髮兩次。

以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊

用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗