KERASTASE

逆時光至臻香氛修護精華

多謝@Cosme今次邀請試用KÉRASTASE 逆時光至臻修護系列，包括逆時光至臻修護浴髮乳、逆時光至臻修護髮膜及逆時光至臻香氛修護精華。
這款浴髮乳質地係透明狀，起泡效果好，流動性強，容易沖洗，洗完頭後感覺頭髮即時水潤咗，毛燥問題減少，自然蓬鬆又唔會乾燥，同埋洗頭水嘅香味好香，同coco香水好相似，好似噴咗香水一樣，香味亦維持到好耐，留香效果好。
這款髮膜質地係白色嘅乳霜狀，同樣帶有自然的花香味，先用同系列洗頭水後再取適量髪膜搽上髮尾，質感易推開同吸收，5分鐘後冲洗乾淨，頭髮變得好順滑亦有光澤感，整體好柔順光滑的感覺。
這款髮尾油質地輕盈唔油膩，香味比起洗頭水同髮膜更為濃郁，係木質花香味。洗完頭後待頭髮半乾嘅時候按大約2泵，推開後搽係髮尾位置，之後用風筒吹乾，吹乾後頭髮唔會油笠依然水潤，修護效果唔錯。

使用整系列兩星期左右，髪質比之前柔順了不少，有自然的光澤度，頭皮亦清爽無頭屑，毛躁問題有所改善。