Dior

傲姿唇膏

感謝@cosme 抽中我有得試用dior唇膏，本人好鍾意買唇膏，所以好期待呢次試用！


我收到嘅色號分別係840同453
首先分享下840，呢隻色算係dior熱門色，質地比較柔霧，容易上色，用手指都好易推開，唔會覺得好乾，個咀唔會覺得黏。顏色偏紅磚色，顯色度高，薄薄一層已經好睇，可以用手指或掃輕輕推開邊緣，會更自然。呢隻色令人望落好精神，好似天生氣色好，唔洗化好濃妝都carry到，平日出下街食下飯都岩用。唔易甩色，飲水食下零食都無事，用普通卸妝水就能夠卸妝到。

之後分享補充裝453，呢隻質地偏水潤，但都唔會黏，容易上色，但就食野飲水比較容易甩色，不過甩完都仲有6成，唔會完全無曬。佢顏色係比較元氣嘅粉紅色 ，可能要配搭一d可愛d嘅妝容同衣着比較適合 ，不過佢呢隻粉紅色唔係太突兀 ，係我接受到嘅色。

整體黎講，兩款我都好滿意，特別係個外殻設計好高貴，size放入袋好方便，大家有興趣可以試下