OLAY

至臻緊緻紅金面霜

感謝@cosme 邀請我試用，olay呢個品牌一直久仰大名，好多人都推薦佢嘅產品，今次終於有機會使用。

年近30 ，面部同頸部都開始有一啲細紋，一定要趁早解決。佢呢個紅色包裝有種高貴優雅嘅感覺，打開有微微嘅香味，對我嚟講唔會太刺鼻。佢嘅質感有啲似乳酪，一個硬幣嘅大細已經可以搽晒成塊面，我用嗰陣會順便輕輕按摩面部，特別係眼周嘴角同頸 ，容易吸收，唔會黏立，而且最近天氣乾燥，用完都可以 滋潤好長時間。

我多數係晚上瞓覺之前用，用咗就快兩個星期，感覺頸部嘅皮膚有緊致咗，冇咁多頸紋。我本身屬於敏感皮膚，用之前都擔心會唔會過敏，但佢呢款面霜好溫和，用完冇不適。希望keep住用一段長時間，可以更加有效。