INNISFREE

紅茶逆時活膚塑顏精華

首先多謝@cosme 今次抽中我試用Innisfree 紅茶逆時活膚系列-紅茶逆時活膚精華水同紅茶逆時活膚修復精華

首先包裝根據返佢哋紅茶嘅主題，用茶色作為包裝。精華水係磨砂玻璃樽身，拎上手都好有份量，整個包裝都好靚好高級。

我自己膚質係混合性偏乾皮膚，冬天會更加乾，有時會有少少乾皮。

我自己兩款產品都係晚上使用，洗完臉後先用紅茶逆時活膚精華水，倒岀嚟係淡啡色，閒落去有淡淡嘅紅茶味。我會先倒落化妝綿抹一次面，再倒落手心輕輕再拍一層上面。等啲精華水吸收後再搽紅茶逆時活膚修復精華，精華係透白色，以滴管形式滴出，但佢唔係一管一次，我每次係大概用4滴左右就可以可以搽曬全塊面。


兩款產品我個人都幾鍾意。試用大概2個星期，無岀現任何敏感刺痛。每次用完嘅第二日都仲保持住水潤嘅感覺，上妝都好貼服，唔會有乾皮。
精華水我覺得有保濕嘅效果，但唔會到有驚艷嘅感覺。以精華我非常鍾意，我作為乾皮係冬天都覺得我保濕度非常之足夠。我用完會覺得佢吸收仍然會有一層膜咁係皮膚上，我個人唔會介意但若果有人比較鍾意用完係好清爽嘅，咁就要考慮一下。

整體用完2星期，皮膚穩定，夜晚用完早上都仍然保持水潤光澤。香味溫和，使用感良好，我會推薦比同我一樣混合性偏乾同乾性嘅朋友。