綠藤生機 Greenvines

極境雙藻復原精華

自己屬於乾性敏感肌，鐘意選擇成份天然簡單嘅護膚品，我本身有用開綠藤生機嘅活萃洗面乳同埋活萃修護精華露，使用感都非常之好，見到4月有新產品“極境雙藻復原精華”推出，諗住買嘅時候好榮幸抽到cosme嘅試用♥️

對於乾性敏感肌黎講，“極境雙藻復原精華”強調 0 酒精、0 石化來源、拒絕 2700+ 非必要成分，無添加香精、矽靈、粉體、界面活性劑真係very nice👍

質地係偏水狀嘅精華液，透明無色，唔會有好假嘅香精味道，只有非常非常淡嘅大馬士革玫瑰味。

為左有更准確使用感，我哩段期的早晚嘅護膚品淨係用“極境雙藻復原精華”+ “綠色海洋精華油”。

以水相保養，即係先水後油， 洗完臉→壓2下“極境雙藻復原精華”打圈按摩臉部30秒→2滴 “綠色海洋精華油”係手心中搓熱後均勻按壓臉部

成個使用感都好舒服，本身諗住自己咁Dry淨係搽哩2樣產品會唔會唔夠滋潤，但係哩段期間晚晚開冷氣，朝早起身時亦都無覺得塊臉好乾，用完之後會上網買返♥️