Paula's Choice

維生素C15緊致精華液

呢隻精華液吸管設計相當穩固，擠出擠入都好方便好輕易，不過同一般精華液有少少唔同，擠出嚟比預期水好多，相對地就易spread開啲，吸收都好快，唔會有痴笠笠嘅感覺殘留喺度

可惜美中不足嘅係，唔知係咪佢濃度太高，對我產生輕微敏感反應，之前用過其他精華液都未試過咁，所以佢應該真係極度有效，先會對皮膚造成衝擊。我建議皮膚容易對某啲抗氧化成份敏感嘅朋友仔，用之前試一試先，確定皮膚狀態無問題先繼續用會穩陣啲~

有見及此，我就轉贈送比一個用咩都唔會有敏感嘅朋友，佢連續用咗兩星期後，話暗瘡印好快淡咗，而且成塊面整體白咗少少（！！！）（我都想白啲呀😣）所以佢都好期待再用耐啲會唔會可以提升埋肌膚嘅緊緻度，如果可以做到逆齡效果嘅話，呢個價格其實一啲都唔貴，因為佢一滴仔已經夠用全塊面，性價比超高！！