NARS

LIGHT REFLECTING原生光亮肌水凝霜

我對NARS既印象就係佢推出既產品色彩大膽艷麗又奪目, 外貌呈啞黑色簡潔線條; 佢推出既護膚品反而用左全白色, 彩妝護膚品擺埋一齊好乾淨利落, 雙得益章! 產品包裝滿分呀！
今次試用原生光亮肌水凝霜, 唧出黎肉眼見佢係白色既凝膠質地, 由於佢無油配方, 外滲出黎既唔係油份, 我諗係啲精華成份來的。
搽上臉蛋, 聞到輕輕既香料味, 按摩上全臉後發覺佢都幾易吸收! 水光亮澤效果亦有感~
呢隻水凝霜作為底霜作用黎講, 就冇防曬系數成份, 之後記得要上隔離霜預防紫外線!!!

試用過後, 了解過佢既效果, 我會用佢作平日晚霜互替。因為日間用左佢又要再用隔離霜補防曬, 然後先上粉底液, 太多步驟了。
日間時使用方法就係會局部於特別乾既位置疊加上去, 唔會整張臉蛋使用, 如此, 50ml 一大罐又覺得太大份量。