INNISFREE

速效淨肌修護精華

感謝@cosme提供正裝產品試用機會～
2/9收到，試用約兩周時間。
本人皮膚混合偏油，T字位易出油，兩頰稍乾。轉季有時會乾燥或泛紅，較少過敏；
目前肌膚困擾為水油不平衡，下巴粉刺和兩頰毛孔較明顯，偶爾會長痘痘以及痘印。
早前曾收過試用裝作淺層體驗，精華質地等方面不再描述了可以看下面之前發表的心得。

呢支精華係夜晚用，翌日搽返防曬。
連續使用初期一兩日出現輕微泛紅，但用時無灼熱或刺痛感，反而有保濕感，因為見到支精華有cica 同ceramide 成分，減低咗刺激性同加强鎮定舒緩、保濕功效。過後皮膚應該係建立了耐受性已經無再泛紅。

用咗大約一個星期，開始見到皮膚有啲變化，黑頭似乎少咗，粉刺依然有，毛孔有變細少少，皮膚觸感比之前更加平滑；
用咗大約兩個星期，皮膚膚色更均勻白皙，特別係第二朝起身唔會再油光滿面！毛孔同五日前差唔多，但比未用精華時算有變細；期間有冒痘痘，初起小痘痘唔使搽暗瘡膏一兩日會自己消咗，紅腫痘痘消退速度也變快了；至於痘印同粉刺依然無明顯變化。

整體嚟講，呢支精華值得一試，收毛孔同幫助膚況穩定有感，膚色望落去有健康光澤；使用感同價位都很有好感，相信長期用會更有效果！

—————
淺層試用心得：
精華質地係淡黃色的微稠液體狀 流動性很高
輕鬆就能推開 唔黏膩 算係幾清爽既精華
性質溫和唔刺激 出緊暗瘡都可以照用唔驚
夏天好啱用 第二朝塊面唔會點出油

A醇護膚品試用幾隻包括borghese同Kiehl’s
Borghese 係護膚油就唔直接比較
Kiehl’s 同呢隻既使用體驗感都幾似
但係就成分而言 Innisfree 比較單純針對暗瘡護理
質感亦較清爽輕盈
Kiehl’s 主打抗衰老 多效合一功能 價錢亦貴啲
Innisfree 呢隻平啲 感覺更適合暗瘡肌用