NARS

Light Reflecting 原生光亮肌粉底液

好開心被@cosme 抽中試用Nars最新推出嘅原生光亮肌粉底液❤️我近期嘅皮膚狀況係混合偏乾肌，基本上過咗全日都係得好小量嘅出油。
今次我試用嘅色號：light 4 deauville（中性偏黃）
講下我嘅試用心得先
優點：
粉底嘅質地好易推得開，上面唔會話好厚重好焗，完妝感覺好透薄。遮瑕度方面中等，佢可以好好咁遮到啲泛紅同均勻膚色，coverage可以built up，加多層都唔會打交或者起刷膠碎。
缺點：
雖然呢隻粉底滋潤度都夠，但係佢用係啲比較乾嘅位置係會有卡粉同顯死皮嘅情況，而係毛孔較粗大嘅地方會有芝麻粒情況，建議要配搭翻隻保濕嘅base一齊用，呢點乾肌嘅朋友要留意下。另外如果面上面有較多嘅痘印嘅話，佢嘅遮瑕度大概有6成，未必可以好完美咁cover曬啲瑕疵，都要另外再用遮瑕膏先得喇。

工具：
建議用海綿上，會高啲遮瑕同綿密上妝啲。
試過用Mac 170掃上，會有啲掃痕，要花多小小時間先可以blend得琿。