YVES ROCHER

防脫髮洗髮露

首先要多謝cosme同YVES ROCHER俾呢個機會我試用防脫髮洗髮露 (300ml)

其實平時行過路過 見到實體店都有啲想入去睇吓🤣不過始終都冇太大動力🤣🙈今次用咗佢地嘅防脫髮洗髮露 我自己覺得好有驚喜 好大機會回購🥰

首先本身嘅髮質係偏油同幼 (頭髮未去到好幼算係偏幼 近幾年幼咗好多🥹) 用完之後感覺真係甩少咗好多頭髮 以前一日甩嘅量=而家可能兩三日嘅量

本身好怕洗完頭 第二日好快好油 但係佢呢隻洗頭水唔會 又唔算好乾 對我嚟講係啱啱好🤩本人對於起泡度都有少少追求 呢隻洗頭水都算幾易起泡 未算爆多泡 但係比我想像中好。香味嚟講 我覺得佢有少少似大自然嘅感覺🌿算係有啲草本香味 但係唔係好難接受嘅嗰種青草味 呢隻洗頭水嘅香味好舒服 好放鬆🥰

始終都係用咗唔算好長時間 對於防掉髮方面我覺得佢係做到嘅🥰🥰期望之後keep住用會有更加明顯嘅效果💪🏻

蘊含水解天然白羽扇豆種籽精華 (White Lupin)、有機龍舌蘭精萃 (Agave Fructans)及維他命 E，配方不含硫酸鹽 (Sulfate)，溫和清潔頭髮，同時鞏固髮根。但係經過試用期間未係好感覺到髮根有明顯改善🙈可能未夠長時間。