YVES ROCHER

防脫髮洗髮露

感謝今次cosme給我安排了Yves Rocher皇牌No.1 防脫髮洗髮試用體驗！本身對呢個牌子嘅認識都主要係護膚品上，今次可以試用到護髮產品覺得非常新鮮，同埋非常有驚喜❤️ Yves Rocher呢支防脫髮洗頭水顧名思義梗係防脫髮啦，仔細睇返佢嘅成份，原來入邊都加入咗好多營養同埋保濕成份，e.g 水解天然白羽扇豆種籽精華、有機龍舌蘭精萃 、維他命 E，可以溫和清潔頭皮，同時鞏固髮根。仲可以推動頭皮微循環，增加頭髮細胞養分供應，所以就有效減少及防止頭髮脫落。

本身我自己對防脫髮洗頭水有少少恐懼，因為以前用過某啲牌子會越洗越乾，仲甩得多咗頭髮，而今次試用之後真係顛覆咗我對防脫髮洗頭水嘅一貫觀念，原來都可以好保濕，真係感覺到頭皮健康咗！首先無論佢嘅質地同香氣都令人覺得非常舒服，係一陣嘅清新草本清香，質地係啫喱質感，當我用喺手嘅時候，用水揉開，你會見到佢唔會起好多泡沫，之後用水沖走，你會發現隻手唔會乾，有強效保濕效果，所以用係頭皮係非常之溫和水潤！ 當用喺頭髮上面，雖然佢真係唔算起到好多泡，但係洗嘅時候好舒服，沖走泡沫之後亦 感覺到頭皮清潔得好乾淨，同埋清爽得來又足夠保濕，整個頭皮感覺都好似健康強壯咗！最神奇係頭髮變得好柔軟，吹完頭仲非常有光澤，可以俾大家睇吓個效果⬇️髮絲都變得好健康，亦都冇左毛躁問題。另外髮尾亦都充滿光澤，一啲都唔乾，非常柔順，所以個效果都幾令人surprise🥹 而另外一個重點係每當到呢啲轉季時候，我都會有頭皮屑問題出現，同埋會甩多咗頭髮，前排未試用之前就已經出現咗呢個問題，但用咗佢兩至三日之後就明顯見到有改善，頭皮少咗，頭髮都甩少咗，效果都幾明顯。所以非常推薦大家用呢個防脫髮洗頭水，女仔髮量非常之重要，如果頭皮唔夠健康亦會甩多咗頭髮，所以用一支溫和又保濕嘅防脫髮洗頭水一定會幫到大家，非常推薦呢支產品❤️相信自己之後都會買嚟用👍🏻