YSL BEAUTÉ

恆時輕透霧光粉底液

好多謝被@cosme抽中試用YSL既ALL HOURS FOUNDATION恆時輕透霧光粉底

我用既色號係LN4，比較貼近我原本既膚色。我本身既膚質係混合肌，鼻頭同兩頰會有輕微出油，同埋最近兩頰有少少印。粉底瓶蓋係用左YSL既立體金色浮雕，真係好靚，充滿高級感。粉底亦有輕微既香味，唔會係好濃烈令人唔舒服既味道，亦唔係化學既味道，我幾鍾意依個香味。有防曬SPF 39/ PA+++，如果普通上班係室內既話都已經夠用，但如果要去戶外行街果D需要再加防曬產品。
質地好透薄，今次我採用指尖塗抹，好容易推開，亦好快成膜，唔會好黏，好自然貼服。塗一層已經有大約六成既遮瑕度，再係重點想遮既印上面輕點幾下，就大約可以去到全臉八成遮瑕。顏色唔會死白，好自然。
配合埋YSL ALL HOURS SETTING POWDER恆時啞緻蜜粉黎用，係白色透明既蜜粉，粉質好細緻，隨盒亦附送一個粉樸。一開始上蜜粉既時候會覺得有少少白，但當蜜粉同粉底融合左之後就會變到好自然，有霧面既效果。直到夜晚都冇暗沉亦唔會覺得乾，妝容大致完整。全日基本上冇出油，係去到夜晚既時候面頰有少少油，但會變左有種奶油肌既感覺，係另一種既好睇。