YSL BEAUTÉ

情迷凝亮唇蜜

好多謝被@cosme抽中試用YSL既LOVESHINE CANDY GLAZE情迷凝亮唇蜜
色號13 FLASHING ROSE 水光玫瑰
一向都好鍾意YSL的唇膏，之前用既都係迷魅亮彩唇膏，今次係第一次試情迷凝亮唇蜜，佢係YSL係市場上首款推出既固體唇蜜。情迷凝亮唇蜜既外型比之前更加靚，係銀色既外殼加埋橫向YSL CASSANDRE標誌，真係好有質感。香味亦係一直YSL獨有既唇膏香味。
FLASHING ROSE既顏色係比較透亮既玫瑰粉色，水光玫瑰四個字完全表達到隻顏色，一開始試係手覺得好透同好淺色，因為我唇色都有D深，覺得可能上左唇都冇乜效果，但上左唇發現好顯色又好BLING BLING，有豐盈既效果，好似糖果一樣既感覺。平時淡妝或者素顏都適合用依支唇蜜，其實應該係話適合任何既場合，係最穩陣又靚既顏色，常備一支係手袋就幾時都岩用，無論返工、去街定去旅行，一支唇蜜都攪掂曬!
情迷凝亮唇蜜有長達24小時既長效水潤感，12小時強化唇部肌膚鎖水屏障。本身我個咀都有少少乾，搽情迷凝亮唇蜜係完全唔怕會卡唇皮，反而有助撫平唇紋，令到唇紋冇咁覺眼，而且上唇係好順滑又滋潤，真係好方便。