NIVEA

LUMINOUS630雙效淡斑煥白抗曬修護日乳 SPF50 PA+++

從@cosme拿到的試用品。

本身膚況係混合肌，t位出油勁，平時都係用開啲一百蚊內嘅防曬，今次nivea呢支講到有oil control對佢有啲期待。

因為收到試用係同同系列隻淡斑精華同時使用，所以都會對比下兩者嘅分別。
質地都係易推，但係冇精華咁易推。
搽咗上塊面度係會有一種少少嘅coating感，但唔會話覺得唔舒服。↑個人日常返工使用係洗臉後就先用同系列嘅精華，再用呢個防曬，之後就簡單咁遮暇同拍一拍定妝粉就出門。
經過一日office上下班返到屋企，都冇好笠嘅感覺，體感係有畀用之前少咗出油。

↓有一日出去食飯，係上面呢個routine 以上化咗primer，粉底，面粉，定妝噴霧等，反而化咗全妝之後呢個product嘅控油效果冇咁明顯，經過一晚返到屋企t位出油都係有啲明顯，所以佢同化妝品嘅相性要再測試一下。
我自己覺得就咁呢個防曬再加粉餅個控油效果好過我化全妝嘅時候。
試用期間冇使用面膜或者其他嘅護膚防曬品。
同埋同系列嘅精華一齊使用係有睇到有淡班嘅效果嘅。總括嚟講呢個價位嘅開架品牌防曬，畀起差唔多價位主要多咗淡斑控油嘅效果。如果有呢個需求嘅話呢件產品係有效果嘅。

不過如果平時會化妝，化妝品嗰度已經有防曬嘅效果，就未必會加多層用呢個產品，因為同其他化妝底妝嘅相容性好似唔係咁好，始終佢個控油coating都會多咗一層厚度。