GROWN ALCHEMIST

瞬效水光精華

今次試用皮膚正值轉天氣+唔知係咪對suppliment 敏感反覆紅+脫皮唔退，平時係混合偏油。 產品： 之前唔認識亦冇用過呢個牌子嘅產品，佢係個texture較水嘅精華，試管設計有灣，用到最後應該會容易啲吸到底部嘅精華。上面即時會有少少黏感，但係好快吸收後皮膚就會變得爽潤。 乾咗之後會有少少緊緻嘅感覺，又或者未到繃緊。 如果後續會再上lotion成個感覺會比較舒服。 由於佢比較水容易向下流或流入手指罅，所以多次少量咁搽喺面部唔同嘅地方會比較好。 優點： -佢吸收得快所以心急護膚嘅人幾啱用。 -搽咗喺底之後，同後續用嘅化妝護膚品唔會打交，唔會有擦膠碎 -用咗佢之後化妝傳入法令紋部分冇咁容易裂開/卡粉 -單獨用呢個產品之後素顏幾個鐘內出油都控制到 -唔刺激，就算喺我爛面嘅位置用都唔會痛 缺點： -佢個味道有啲微妙，唔鍾意嘅人有機會會覺得佢臭 -夏天用嘅時候感覺比較好，單獨用都ok，呢幾日轉涼覺得唔夠潤感，要再加其他產品 -太水，唔小心撞跌咗好快就倒瀉曬🙈 總結： 持續19日早晚用一次 覺得毛孔稍有改善，上妝貼服咗 唔會去到好wow嘅程度，不過不失 覺得適合返工之前趕住出門口，又想查精

多謝@ cosme今次提供瞬效水光精華試用品。 第一次接觸Grown Alchemist呢個澳洲牌子，用之前都有睇多少少關於品牌嘅野。睇返官網介紹，品牌主打以科學為基礎，用有機天然植物萃取成份，改善肌膚健康。 而呢枝瞬效水光精華成分主打係全譜分子量透明質酸，透明質酸可以保濕就一路都知，呢枝精華就有唔同大細嘅透明質酸分子，用小分子帶水份去皮膚深層，又有大分子喺表面鎖水，就可以做到一個更全面嘅保濕效果。 包裝用啡色玻璃樽配滴管設計，簡單精緻。不過就咁睇滴管唔到樽底，唔知用到尾會唔會難倒出嚟呢。我唔係專家唔太識啲成分，但就咁數成分得11種，成分相對簡單就冇咁容易有敏感情況。滴出嚟質地好水狀好易流落嚟，我用嘅時候覺得直接滴上面推匀，再輕輕按摩，最方便吸收得最好。 ✅溫和不刺激 開始試用之前因為搽過A酸，又遇上轉天氣，塊面好乾又甩皮，搽啲刺激性成分高少少嘅護膚品都會覺得”拿”，但搽呢枝瞬效水光精華就冇呢個問題，喺起哂乾皮嘅狀態下真係幫咗我好多。 ✅改善肌膚乾燥 因為主要係透明質酸，保濕效果係肯定嘅，好明顯可以見到皮膚有變得水潤。我覺得呢個精華偏乾爽，吸收咗之後完全冇笠嘅感覺，好似我呢啲混合

感謝@cosme得到今次試用機會🫶🏻 今次試用嘅係Grown Alchemist瞬效水光精華，之前我係未聽過呢個牌子既，得知係澳洲既天然護膚品牌，即刻心心眼😍收到當日急不及待試😛 首先講下我個人嘅個人皮膚狀況: 膚質: 中性 少少偏乾 敏感: 唇上人中位置有輕微唇炎 護膚程序: 肌底精華>爽膚水>保濕精華>功效精華(修復/抗皺etc)>眼精華>眼霜>乳液或油>面霜 使用感受: 佢算係偏稀同水，比起普通透明質酸精華流動性更高，輕怕上面既頭1-2秒會feel到好薄好輕既油潤感，然後就feel到超快吸收哂，係滲透左入肌底既水濕感覺，好神奇，一啲黏笠感都冇🤩用上後敏感位置完全冇刺痛感覺👍🏻 精華既味似無味透明質酸既味，帶有極微既植物草本味。 星期六日會化妝搽粉底，底妝步驟只用爽膚水+呢支精華>底霜>粉底液>碎粉，都覺得妝容比平時持久，冇乜脫妝浮粉，上妝時亦冇擦膠碎，可能真係呢支精華做好左底層保濕既關係🤭 使用20日後，我用左大概1/5，我每次用幾滴(其實諗番底每次用一揼會好d)，的確係冇咁乾，最明顯係洗完面後咩都冇

Grown Alchemist嘅精華都係比較輕身，好適合夏天使用☀️佢質地好薄好易推開，亦都吸引得好快，最令我驚喜係keep住用一段時間，真係feel到塊臉冇以前咁乾同smooth咗~不過佢味道比較特別，有啲似藥酒味(?)未必個個鍾意，但對我嚟講ok

第一次體驗Grown Alchemist 嘅護膚品～ 佢係來自澳洲嘅天然植萃品牌，以科學為基礎，運用天然、有機配方和植物萃取成分～ 促進肌膚自我修復和加速新陳代謝～ - 是次「💦瞬效水光精華」，係一支多效保濕精華液，瞬間補水煥膚～ 配方温和，適合各種膚質，尤其適合好似我咁嘅乾燥缺水肌膚～ 佢獨特全譜分子量透明質酸配方，高效滲透力～ 改善肌膚乾燥缺水之餘，全面鎖水保濕，恢復彈性光澤～ 如長期使用更可強化肌膚屏障🛡️提升肌底質素，打造更水嫩透亮肌膚✨✨ - 精華質地比我想像中輕盈得多，基本上係無油水狀～ 有淡淡嘅清新草本香🌿 流動性極高，推開後做到瞬間吸收～ 吸收完一啲殘留感都冇，非常清爽輕盈～ 而依家轉天氣，皮膚變得極度乾燥易敏～ 所以單用對我嚟講就唔係好足夠～ 我會係後續疊加其他護膚品，佢同其他護膚品融合得好好👍🏻 冇出現任何打交搓泥嘅情況～ 而用左2個星期左右，最明顯改善係個穩定度同細緻度～ 肉眼可見補足水份後，明顯皮膚冇咁易泛紅敏感～ 毛孔亦都更幼細，光澤感滿滿✨✨

首先多謝「從@cosme獲得」 今次試用Grown Alchemist【瞬效水光精華】嘅product, 第一次接觸呢一個品牌 覺得佢哋個包裝簡潔清新, 而且佢嘅滴管設計比一般品牌的好使用, 可以精準取想要精華的份量。 這個精華的質地很水潤不黏稠，而且塗上皮膚上馬上吸收， 嘗試用了這個產品大約兩星期都感到皮膚毛孔 細緻而且有水光感。

非常榮幸入選@cosme活動，有機會試用Grown Alchemist瞬效水光精華。今次是第一次接觸Grown Alchemist 這個澳洲天然植萃品牌，收到試用品時特別興奮期待😊 瞬效水光精華包裝簡潔，採用棕色透明玻璃瓶身，配以滴管取量方便衛生👍 精華液透明清澈如水，無色無香味，極具流動性，初次使用時習慣性直接用滴管滴在面上，但未來得及按摩便已滴走了😂😂 後來先將精華滴在手心，再拍到面上，使用起來會較易控制。 試用期間每天早晚潔面爽膚後使用約半泵至一泵，精華質地非常輕盈，能秒速被皮膚吸收滲透，肌膚即時變得水潤，配合面霜使用，在一般日子保濕力也能維持大半天，而在乾燥的日子和晚上，則會再叠加其他精華加強滋潤保濕功效。 試用至今約兩星期，肌膚的乾燥缺水問題有所改善，特別是肌底乾燥引起的掹緊不適有明顯舒緩，皮膚整體較水潤，乾紋亦有減淡。試用的最大感受是，以往曾使用其他同樣主打透明質酸的保濕精華，但感覺只停留在表面，有點難吸收，甚至會痕癢，而Grown Alchemist瞬效水光精華含有獨特全譜分子量透明質酸配方，親身體驗後感覺良好，能真正做到深層滲透，為肌膚底層鎖水保濕。而且配方溫

多謝@cosme俾機會我認識Grown Alchemist 呢個澳洲品牌。 其實收到產品個時正值敏感發作，塊面頰位又紅又甩皮（圖1圖2）， 收到產品可以話係及時雨。 瞬效水光精華為專業植萃科技創造嘅天然配方，佢嘅質地係水狀，無色無香味，但有淡淡嘅植物味。基本上一搽上面就超快推開同勁快吸收，完全冇笠嘅感覺。正值敏感我都冇任何刺激或拿拿地嘅感覺，好舒服。 我係早晚都用，用左18日了。（圖3圖4） 甩皮情況頭幾日已經冇左，我覺得整體上敏感紅改善左，皮膚冇甩皮冇咁鞋手，上妝易返啲，皮膚冇咁暗同整體穩定啲嘅。若長期用應該會再好啲。 轉季期間用好適合。 敏感肌嘅朋友仔不妨考慮試試。

剛認識了來自澳洲的天然萃取品牌Grown Alchemist，就對品牌產品十分感興趣，感謝@cosme抽中我試用Grown Alchemist 瞬效水光精華。 瞬效水光精華水水的質地，又如精華水一樣好易吸收，而且好清爽，用後皮膚的乾紋有即時被減淡和顯得柔滑。 自天氣轉涼，環境都變得乾燥，我的皮膚都因而有缺水情況，期間面頰同鼻翼都有泛紅，還有粗糙和暗沉，並且長時間感到繃緊，非常不適 。 瞬效水光精華的配方很溫和，適合在轉季時使用，而且深層保濕鎖水能力真的好強，在試用期間我只簡單使用化妝水，瞬效水光精華和面霜，用後全日keep著保濕鎖水，無感到任何繃緊不適，期間還穩定了膚況！ 在持續使用14日以上，面上的乾紋細紋減淡了，泛紅和粒粒都有減退，肌膚飽滿平滑了好多，在短短日子就回復到水潤健康的狀態，而且在無用過其他精華和美白產品下，膚色反而比之前明亮有光澤，令人驚喜，是一支乾燥缺水肌不能錯過的保濕精華！ 另外我亦愛作妝前精華使用，令底妝更貼服持久，又不會和後續的化妝品有甚麼不和出現碎屑。

好耐之前已經聽過Grown Alchemist呢個牌子，用過hand cream，今次試用「瞬效水光精華」，以分子量透明質酸深入滲透肌底，我超期待！加上轉季皮膚極敏感，又紅又痕😫😫😫 用咗兩星期，皮膚感覺好好多，有效補水💦 精華輕巧水潤，上面輕輕推勻已經好快吸收，一啲都唔lup，溫和補水，都幫到手降紅。極乾燥缺水都仲會有少少脫皮，但打底效力好唔錯，之後上粉都唔會有擦子膠碎，like!!! Thanks @cosme ✨

由於Grown Alchemist呢個牌子係主打天然，所以一直都想試下d product。因此好多謝@cosme 抽中我試用Grown Alchemist的瞬效水光精華。 由收到貨品至今已經使用了14日，我習慣係朝早洗面後和夜晚臨瞓前都用約1試管份量滴在臉上，並且輕輕按摩，使精華能被皮膚吸收。我發現通常都唔夠一分鐘已經會吸收晒☺️我仲好喜歡佢個質地好似水咁流質，而且用後完全唔黏笠，而且完全冇令我敏感，所以感覺到呢支精華性質好溫和同不刺激。 呢排天氣比較乾燥，平時轉季我皮膚都易甩皮，嚴重的話甚至會起濕疹。而我用左佢之後皮膚會立刻變得水潤透亮，但唔知係咪我呢排都在冷氣房工作的原固，個空間乾燥到不得了🙈所以有時收工都會見到塊面有d乾到浮粉。但整體來說，皮膚係健康左、水潤左同穩定左既👍🏻

多謝@cosme 抽中我，令我有機會試呢個澳洲天然品牌保濕精華❤️ 一打開精華氣味比較特別，同平時用開透明質酸精華味道完全唔同☺️ 質地比較濃稠，但是一推開就完全變晒水珠，查完塊臉有個感覺薄薄一層保護膜，唔似市面上其他透明質酸咁樣一下就無哂。 連續用咗14日，感覺加強左皮膚底層，非常之溫和，換季時亦都減少咗脫皮同埋紅印。 水潤度有增加，但係未感受到有光澤到。 整體來說都是很推薦敏感肌膚使用

多謝Cosme比我去試用呢支澳洲天然品牌嘅𣊬效水光精華，可能因為知道我本身係乾肌，所以用呢支精華就更加feel到嘅轉變啦！ 我嘅試用係早晚都會用，佢係好水，好快就吸收！查完爽膚水之後我即刻用呢一支，拍落皮膚一啲負擔都冇，唔會有厚重感，更加唔會笠，即刻feel到皮膚已經瞬間吸收咗，回復肌膚彈性光滑！ 佢比起其他透明質酸配方更加保濕同埋更易吸收，我最鍾意佢係好似水一樣唔會同其他護膚品甚或化妝品打交而引起擦膠碎呀！ 呢排轉天氣，所以而家用就啱啱好，用完之後個妝都貼服咗，皮膚亦都冇因為脫水嘅問題而容易甩皮～ 最後嗰幾日我甚至用咗佢嚟配搭家用嘅美容儀去做導入，原來都可以！因為超級快吸收，我就用多幾泵呢！ 冇負擔嘅護膚品對於敏感乾肌係最舒服，大家都可以去試吓，早幾日行過海港城，發現grown alchemist開咗店舖呢～

精華texture有些少似lotion咁偏水狀，非常易推開；搽上面後，質感輕盈不笠，原本有因為佢texture懷疑過會唔會唔夠保濕，但用落吸收滲透得好快！ 就算係秋冬轉季乾燥嘅晚上，洗完面後我先拍上保濕度高嘅lotion，之後再搽grown alchemist精華，都好足夠滋潤保水，起身時都唔會出油/感覺到乾❤️我皮膚亦易敏感，重點用完佢唔會生粒粒（有時太潤我會生），用落感覺好溫和舒服！ 至於撫平細紋方面，可能因為只係搽咗約2星期，暫時未感受到，不過佢texture係我鍾意嘅，所以之後會有回購意慾

好開心真係幫到手 保濕鎖水, 雙頰嘅 乾燥感 崩緊感 明顯無咗; 皮膚明顯穩定咗, 敏感泛紅嘅情況大大減少咗!!! 用嘅過程都係舒適愉快的, 水感 快滲透 易吸收, 補濕得黎 觸感清爽~ 溫和 唔刺激 得黎高效, 係我呢啲 乾燥缺水肌嘅良品呀!   鍾意呢支 Grown Alchemist 瞬效水光精華啊, 決定咗 會回購!

首先多謝@cosme , 可以使用Grown alchemist, 轉季天氣好啱用，因為產品使用咗獨特天然配方，再加上係 份子量透明質酸滲透基底，能夠提升肌膚防禦力，使皮膚好易吸收，啱晒我敏感肌膚，使用方法好簡單，做完清潔跟住爽膚，然後就可以搽精華，面霜，搽完之後已見到面部好水潤，面部充滿咗光澤。

多謝@cosme試用 質地非常清爽，近乎水狀 輕輕打圈上面，足一泵的量5到6秒已完全吸收💚 即時補水看得到，乾紋稍微減淡，但單搽鎖水力不足，兩小時後會感到繃緊，建議當作打底精華 持續配搭面霜使用，皮膚沒有出現問題，明顯改善亦未看到，畢竟是天然配方，相對效果會較溫和，好處就是不刺激 乾肌可以跳過，推薦想要非常清爽補濕精華的年輕肌膚或油肌試試

使用瞬效水光精華後，我的肌膚感覺明顯變得更加水潤和光滑。這款精華的質地輕盈，容易吸收，塗抹後不會有黏膩感，讓我感到非常舒適。使用後，肌膚瞬間感受到一股清新的水潤感，彷彿被深層滋養。幾天後，我注意到肌膚的乾燥問題有所改善，整體膚色也變得更加明亮，散發自然光澤。特別是在妝前使用，妝容更加服貼，持久度也有所提升。總的來說，瞬效水光精華讓我對肌膚的保濕效果非常滿意，是我日常護膚中不可或缺的一步！

早前有機會令試用裝，試用裝精華都有5mL☺️。質地都幾水潤比較適合冬天用同埋乾燥時候用