購買資訊

肌研白米水，用咗一個月真心講 點解買： 純粹見屈臣氏減價，又睇到話咩「白米發酵」，諗住百幾蚊搏一搏。之前用開啲專櫃嘢貴到癲，效果又唔見得特別勁，所以轉吓平民路線。 點樣用： 我懶，冇跟咩官方按摩手法。就係洗完面，印乾啲水，唧兩下掌心，雙手搓熱再「印」上塊面。有時好攰直頭就咁查勻就算。質地係杰身少少嘅水狀，查嗰陣係滑嘅，過多十幾秒就吸收晒，唔會黐住個枕頭。 真實改變： · 頭三日：老實講，冇感覺。冇敏感、冇出粒粒，但都冇話特別滑咗。當普通保濕水用。 · 第一個星期：有日化妝，突然覺得鼻翼兩邊同額頭冇卡粉。平時一到下晝塊面就乾到繃緊，嗰日到放工都仲係潤潤地。我先開始留意到佢嘅好。 · 第三個星期：瞓醒摸塊面，係軟嘅，唔係以前嗰種表面乾爽入面緊嘅感覺。面色方面，朝早照鏡係光澤咗，但唔好FF係變白，只係冇咁灰黃，似正常血氣。 缺點坦白講： · 佢個樽口有少少大，有時一唧就唧多咗，浪費。 · 冬天或者開冷氣瞓嗰晚，淨查呢支唔夠力，一定要補多層面霜。 · 追求「即時見效」嘅人會失望，佢係慢熱型，用半個月先開始覺得有分別。 回購意願： 會。唔係因為佢好神，而係佢性價比高，日常用唔肉

白色半透明的精華流質狀，有一點點嘅稠度，我一次會用2-3泵擠喺手心，直接拍上面使用，整體感覺保濕舒緩，吸收後會有一層輕薄嘅滋潤感。因為吸收後的滋潤感不算太清爽，沒有作二次清潔使用。 白米提取嘅精華水，帶有少少淡淡嘅酒味，但一定未去到神仙水嘅平替。作為基底液？精華原液？定位有少少模糊。對我嚟講屬於保濕類型嘅精華水，用後皮膚柔軟舒適，但美白功效就不見，用完一支都冇話特別透亮。 一年四季任何膚質都可以使用。

肌研糀潤精華呢支精華用咗一段時間，趁住天氣開始轉涼，同大家分享下用後感。 質地係帶點流動性偏稀嘅半透明凝露狀，推開個下好順滑，有足夠嘅流動感幫你延展到成塊面，但又未至於好似水狀精華咁一秒就吸收晒。佢個種潤度係慢慢滲入去嘅，搽完之後塊面有層好薄好薄嘅保湿膜感，摸落去係軟滑的。 保濕力對我呢個乾肌嚟講真係唔錯。尤其係入秋之後，朝早洗完面搽完佢，個底妝會貼服啲，唔會因為皮膚乾而起碎粉。試過夜晚開冷氣瞓，淨係搽呢支精華再加層好薄嘅乳液，第二朝起身塊面都唔會繃緊，依然保持到彈性。不過夏天，如果潮濕悶熱嘅日子，或者油肌朋友就可能覺得有少少太lup了，未必想日日用。 成分方面睇過下，無加香料同酒精，主要係用咗米發酵精華，感覺幾溫和。我皮膚間中會敏感，但用佢期間都無出過粒粒或者泛紅，幾安心。 總括來講，肌研糀潤精華係一支幾稱職嘅基礎保濕精華。如果你係乾性至混合肌，搵緊一支成分簡單、保濕力足夠又唔算貴嘅精華，特別係用嚟迎接秋冬，呢支值得考慮下。