KUNDAL

咖啡因防脫洗髮乳 [白麝香/櫻花香]

首先感謝@COSME抽中我作為試用者。
今次的試用產品是KUNDAL咖啡因防脫洗髮乳［櫻花香］。
自己本身髮質較幼，容易出油，一洗頭D頭髮就會好易打晒交。每次洗頭都一定要用護髮素或hair mask先可以柔順返。洗完頭就一大堆頭髮塞住去水位，真係好想改善這個脫髮問題。

今次試用KUNDAL咖啡因防脫洗髮乳［櫻花香］，覺得效果幾好！
首先我自己有鼻敏感和氣管敏感問題，好怕有香味的洗頭水，尤其是對花香特別敏感。當我收到櫻花香洗頭水時，都有少少擔心會否有影響。試用後，個人覺得櫻花香味都幾濃，但並沒有引發我的鼻敏感和氣管敏感。

用KUNDAL咖啡因防脫洗髮乳洗髮時，覺得洗頭水質地幾好，好稀好水狀，用少少洗頭水就好易起到泡。而且起泡後頭髮無打晒交，沒有用護髮素或hair mask都可以好柔順和清爽，這一點我是非常滿意！

至於洗完頭頭髮塞住去水位的情況依然有，可能只用了三星期，所以未有太明顯的改善，我會繼續留意這一點。