M.A.C

提亮保濕絲滑底霜 (#透光水凝乳)

意想不到咁好用嘅妝前必需品！
之前購買M.A.C嘅卸妝油時，sales送sample時，問我想要控油定補濕，監於最近天氣比較乾同凍，我揀咗補濕。朝早搽曬日常護膚程序後，搽粉底前用佢。一打開就係好水狀嘅白色乳液，好容易推開，搽完有種保濕面膜係面上咁，同埋毛孔好似blur咗咁，之後搽粉底都好似特別貼服咁。
到下午嘅時間，粉底都仲好貼服，面油都好似少咗咁，唔洗太補碎粉。
最開心係冬天有少少甩皮嘅日子，都可以好似「護膚膠水」咁撫平甩皮嘅地方，攪到我好心動💓買貨裝用！