LOVE LINER

纖密流暢防水眼線液

感謝@cosme送出會員活動禮物，可以試用到Love Liner呢個品牌，就算化妝新手都合用嘅眼線液。回想啱啱學化妝，畫眼線真係最卡關嘅一環，但原來揀啱產品，就可以將難度大大降低。

Love Liner呢支眼線液好易出色又顯色，眼線嘅粗幼都好容易掌控，就算想畫纖細嘅眼線都冇難度。由於顯色度夠高，就算喺眼影上畫眼線都好明顯，唔會畫嚟畫去都未見到條眼線。而且感覺呢款眼線液比起其他用過嘅品牌乾得更快，就算新手都唔怕手忙腳亂之中整花個眼妝。另外，佢嘅防水防油能力都好高，基本上都可以keep到一整日，唔怕變熊貓眼。見到同系列有唔同顏色可以揀，唔淨止有常見嘅純黑、純棕色，試吓唔同色系，可以帶嚟唔同感覺，有一份新鮮感。