factiv

控油消炎精華

非常感謝@cosme登錄咗 factiv呢個本地牌子，雖然我只係幫襯咗短短兩年多啲啲，但睇住factiv 由最初嘅網店到上架再到有自家門市，依家仲可以係@cosme 度見到佢嘅名出現，有種老懷安慰嘅感覺😂

扯得太遠喇，都係講返件產品，factiv 係一個b2b知我深受暗瘡困擾而介紹俾我知，當時因為見價錢唔平（幫襯咁耐發現factiv 無加過價，真係良心企業😭），並無即時落單，後來用過幾隻精華都唔得，就把心一橫買幾支試試，當時NIA10係叫B310+NAG，後來改版先叫NIA10（以有效成分命名，所以有啲難記，佢嘅網站有詳細介紹），深黑啡色帶滴管嘅膠樽，開口有特別嘅卡套夾實滴管，確保精華衛生，而且一㩒滴管出嚟都啱啱好一次全面分量，全透明水狀液，無任何氣味，如果臉上面有傷口會有少少刺激性，唔建議針清後搽佢，非常好吸收，當時我用咗一個禮拜，就發覺塊面少咗暗粒，用多兩個月左右，暗瘡爆發率比未用時降低9成左右，皮膚平滑咗好多，化妝時非常感動🤧，終於唔駛點用遮瑕膏掩蓋，呢兩年我一直堅持用呢隻精華（間中都會停用😅，因為想試新嘢），計埋舊版用咗起碼用咗10支以上，而且factiv設有回收機制，網購送貨可以揀回收舊樽，又或者去門市放入舊樽收集箱，每次去門市買嘢順便送返舊樽時，都見到收集箱好滿，可見factiv受到唔少香港人喜愛，呢次都希望可以借@cosme 呢個平台，俾更多人認識本地製造護膚品牌