Eucerin

舒安特效修護面膜

第一次接觸Eucerin嘅產品，但原來依間公司旗下有好多出色品牌(la prairie、Chantecaille)，即時增加使用信心。

近排濕度100%仲要戴口罩，塊面即刻有啲敏感同起粒粒。咁啱收到@cosme 提供試用舒安特效修護面膜，效果令人驚喜！用完5日塊面變得平滑，消退敏感！依款mask係急救法寶，降紅、修復同補濕，而且成份絕對安全。

✅紓緩敏感
轉天氣潮濕，塊面生左敏感粒粒又紅又痕。一搽野就有啲拿拿地，好彩用依款mask無刺激覺。用完5日，面頰無咁紅，粒粒退哂！

✅即時補濕
依款mask有最小分子量的透明質酸，更易被皮膚易吸入底層。原本眼底有啲甩皮，敷第一次有改善，但仍然有甩皮。堅持左五日，眼底即刻好返哂！面頰亦無咁粗糙！

✅成份安全
普遍Mask一向好多防腐劑，依款無防腐劑之餘，仲無乳化劑、香精、酒精、色素、螢光劑。適合任何膚質甚至敏感肌，做完醫美打斑/皮秒都可安心使用。

🥲眼位cutting 較差
唯一扣分位係眼底敷唔到（見圖），要自己剪化妝棉吸埋精華去敷。