YHKcare

溫和滋潤潔手液

首先多謝@cosme邀請試用🙏🏻

本身有潔癖，成日都會想洗手或者用酒精搓手液。呢幾年因為疫情嘅關係，洗手嘅次數比起以前更加多，久而久之雙手成日好乾同會甩皮。

今次試用嘅溫和滋潤潔手液質地比較水狀，類似精華咁。洗手沖水嗰陣個感覺好似用緊gel mask咁，洗完之後唔會乾同有淡淡嘅香味。個人比較鍾意佛手柑味，係好好聞同好舒服嘅果香味，而水仙花味係比較草本嘅香味。

唯一有少少美中不足係清潔力好似唔夠強，用完護髮油再用佢嚟洗手之後，仍然會覺得雙手有啲油。