Benefit

緊緻毛孔爽膚泡沫

第一次用唧出嚟係泡泡嘅爽膚水，泵兩泵已經足夠全面連頸搽，我覺得比起平時倒出嚟嗰種爽膚水用量會少啲。另一個用量少嘅原因係搽完會笠笠哋，明明佢個質地係好水，泵出嚟無幾耐就消泡變成流動性好強嘅水，但搽完係有少少笠。

今次試用嘅6款產品我全部都乖乖用兩個禮拜以上，而且之後都有keep住用，除咗呢枝爽膚水。第一日全套用爆瘡，我逐樣試吓係咪護膚品嘅問題。發現用咗呢枝第二朝一定爆瘡。同埋我已經隔日夜晚用，諗住等皮膚慢慢習慣，始終有酸類都會刺激皮膚，但每次用都係好刺痛，連條頸都會吉吉哋。收毛孔效果都唔覺有。平時試新護膚品如果有啲會令皮膚刺激嘅成份，我用一兩個星期都開始無咗刺痛嘅感覺，但呢枝我用一次塊面吉一次，就算唔係敏感皮膚都要試真先好選擇。