Benefit

滑溜美肌輕感保濕霜

係輕薄嘅啫喱狀面霜，質地清爽，所以佢只可以做到基本保濕，係基本咋，因為搽完一陣好似無搽。

第一日就直接洗卸完用爽膚泡泡再用佢，一路搽一路睇寄試用品嚟入面張介紹。原來佢建議用完爽膚泡泡要搽自己嘅精華先搽面霜，但佢啲建議步驟無寫，係下面文字介紹先有寫。

我自己覺得係如果個面霜保濕力係夠，大可以唔使額外加精華，但淨係爽膚泡泡同面霜真係唔夠做，會有啲乾，變咗我都有用平時用開嘅精華。

呢罐面霜都一樣見唔到改善毛孔嘅效果，對我呢講佢嘅定位就係清爽型面霜，保濕效果亦唔係好好，滋潤效果更加唔使講，就算係專櫃產品都有一啲比佢cp值更加好。