BOBBI BROWN

蟲草抗氧修護精華粉底液

有驚喜嘅粉底液😳
包裝配色好高貴，而且鍾意佢用泵頭設計，感覺更衛生。粉底液質地界乎流質同稠杰之間，一掃開就會變得好薄。
顔色一吱出黎會好似好黃咁，不過上到面blend開之後係同自己膚色好match～為左模擬平日趕住返工嘅化妝模式，我今次只係用手指上粉底。
唔知係咪成份有蟲草精華、薰衣草精油等成份，個粉底好滑又易推，用手指上粉都好輕鬆，仲唔會有指痕👍🏽

輕輕用一層，膚色都有明顯改善，可以調整返敏感微紅嘅位置，同時整體會有種好自然嘅光澤感，好適合用黎化偽素顏妝☺️
粉底遮瑕度唔算好強， 但足夠隱藏毛孔同修飾鼻翼、淺色痘印等位置，而深色瑕疵嘅位置只需要補多一層粉底或直接用瑕疵就可以遮到～ 用自然光睇更有奶油感覺，睇落皮膚好咗好多🥳
作為保濕粉底黎講，佢嘅透氣度都唔錯， 適逢香港春天梅雨季，用咗呢個粉底液化咗一層，出街都唔會笠🫶🏽 （利申，本人混合偏乾肌）整體黎講遮瑕度、保濕度、透氣度都 足夠應乎日常妝容，會繼續用落去！