LUX

髮の水亮瓶保水美容修護光澤潤髮乳

好多謝@cosme及@LUX 給予今次機會可以試用LUX嘅最新產品：髮の水亮瓶保水美容修護光澤洗髮乳及潤髮乳。

香味：根據產品介紹，這套洗護系列係帶有以蘋果及茉莉花調配嘅清甜香氣，實際使用嘅時候，洗髮嘅時候會有陣淡淡嘅甜香，但沖水及吹髮後就已經沒有殘餘嘅香氣。個人覺得幾好，一來唔會成日聞到香味以為自己沖洗得唔夠乾淨，二來唔駛怕與本身使用嘅其他造型產品或護髮油嘅香味唔相容。

洗髮乳：起泡力強，只需擠一泵，輕輕在掌心揉一揉，就已經可以產生大量嘅泡泡，覆蓋所有頭髮，之後再沖洗乾淨，然後再搽潤髮乳。

潤髮乳：基於長髮嘅關係，我每次都會用三泵，分開三次塗抹係頭髮，務求所有頭髮都能沾到潤髮乳，過兩分鐘後再用清水沖洗乾淨，直至頭髮再沒有黏膩感覺。

洗髮後，先用毛巾輕輕印乾，再用冷暖風交替吹乾。第一次試用嘅時候，一開始洗完頭會覺得髮質有啲乾，但吹乾頭髮之後，就發現頭髮變得順滑，好有驚喜。試用咗10日後，頭髮除咗越嚟越順滑之外，亦變得更有光澤，毛燥感減少咗，感覺好好。