SOFINA iP

長效補濕護膚防曬乳霜 SPF50+ PA++++

感謝@cosme 及 Sofina 提供今次產品試用嘅機會，今次試用嘅分別有土台美容液，角質層修護凝露，01 長效補濕護膚防曬乳霜，以及角質層修護滋潤晚霜。

01 長效補濕護膚防曬乳霜，顧名思義，係有補濕功能嘅防曬產品。呢款防曬乳霜質地十分水潤，與一般防曬霜嘅質感好唔同，唔講係防曬嘅話會以為係普通乳液。使用方法好簡單，擠直徑約1.5cm嘅份量，塗抹全臉，一瞬間就已經吸收晒。由於質地水潤，可以輕易推開均勻塗抹，用後亦唔會有肌膚泛白或泛油嘅情況出現。

個人好喜歡產品包裝嘅設計，瓶身有建議使用份量嘅實際大小，用家可以照住嚟擠，咁就唔怕擠得太多或太少，影響效果。另外佢嘅份量係30g, 細細支嘅設計方便放係小手袋，可以隨時補搽，十分方便。