Benefit

The POREfessional強力無重定妝噴霧

好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，每逢夏天日常需要維持抗油抗汗嘅妝容時，油肌人士對benefit The POREfessional一定唔陌生，係最穩陣嘅首選！

💖The POREfessional「強力無重定妝噴霧」一向係皇牌產品之一，妝容最後一個步驟噴埋就包保萬無一失，定妝噴霧內有benefit 專有嘅細緻粉末成份，噴霧分子偏細，噴上面大約已20秒已經形成左透明薄膜，清爽唔黏笠


✦上妝同時用左同系列「柔霧控油毛孔細緻霜」同「柔霧控油蜜粉」，測試控油同持妝度

🔼剛上妝容效果


🕗持妝8小時
上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響，而且面臉表面明顯係比平時清爽唔會黏笠笠，8小時後，成個妝容都仲係幾完整keep到近8成，對油肌人士黎講係好大嘅福音