Benefit

The POREfessional柔霧控油毛孔細緻霜

好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，油肌人士對benefit The POREfessional一定唔陌生，每逢夏天日常同需要維持抗油抗汗嘅妝容時，一定係最穩陣嘅首選！

今年夏天，The POREfessional推出左全新升級版，其中之一係「柔霧控油毛孔細緻霜」

妝前打底對我嚟講一向係最重視嘅步驟，呢一步做得好，之後妝容每part 嘅build up 先會有意思，追求控油係基本，其次要睇佢毛孔修飾度、同後續粉底融和度，都係缺一不可

💖「柔霧控油毛孔細緻霜」呈乳液狀，同本身面上skincare product 好融合，而後續上左液態粉底後都冇出現”擦子膠碎”情況，毛孔修飾都幫到少少

✦之後上妝會用埋同系列嘅控油蜜粉同定妝噴霧，測試控油同持妝度
🔼剛上妝容效果

🕙持妝8小時
上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響，而且面臉表面明顯係比平時清爽唔會黏笠笠，8小時後，成個妝容都仲係幾完整keep到近8成，對油肌人士黎講係好大嘅福音！