Charlotte Tilbury

輕盈無瑕粉底液

多謝@cosme 抽中試用CHARLOTTE TILBURY王牌AIRBRUSH FLAWLESS FOUNDATION輕盈無瑕粉底液。

包裝上係用金色配上磨砂面玻璃樽身，入面個泵嘴順暢易用。

輕盈無瑕粉底液唔係會流落嘅質地，有少少似霜狀，但上面好輕盈，好滑好易推開，但同時間亦到好快乾。所以上面後要立即推開佢。我自己用曬好少，全面用半泵都用唔哂，因為佢易推哂全面，薄得嚟遮瑕度都好好。佢妝感佢自然啞面，上一層大概遮到7成左右，而且個遮瑕度係可以build up嘅。
至於氧化問題會有少少嘅，不過我本身拎到嘅色號係白少少嘅，所以暗咗都唔會太明顯。

我個人膚質係混合性偏乾，第一次用係由6點半上妝去到夜晚9點半，15小時帶妝，啱啱上妝有用粉餅定妝，之後就無再補過。因為我有戴口罩，所以面嘅下半部有比較岀啲油，鼻翼同下巴脫妝比較多，大概脫咗3,4成左右，但唔會有斑駁嘅情況。

我自己之後都會用佢，佢個妝感我好鍾意，好貼好薄無乜粉感，不過油性肌膚係再熱啲嘅天氣用佢真係要好好定妝。