Ora2

瞬間口氣清新噴霧(速淨薄荷味) 6毫升

我平時好注重口腔衛生，食完嘢一定會噴口腔噴霧。用左Ora²呢支一段長時間。首先佢最大賣點應該係多味道選擇，我試過好多隻味，波子汽水味，青提子味薄荷味檸檬味，都算幾清新，唔會太人工化。 噴霧設計都幾就手，細細支放喺手袋都唔阻定，需要嗰陣拎出嚟噴兩下都好方便。不過講到實際效果，如果係一般食完嘢想清新下 ，佢都算叫做頂到一陣，個口會覺得涼涼哋，有啲清新感。但係呢種感覺唔算好持久，大概半個鐘到就已經打回原形，要再補噴先得。 有次我食完蒜頭包之後試用，初時噴完真係遮到啲味，但係過咗一陣，蒜頭味又慢慢走出嚟，證明佢始終都係治標唔治本。如果係要去重要場合，真係唔可以單靠佢，最好都係徹底刷牙同用漱口水穩陣。 至於保持口腔衛生呢方面，我覺得佢都係幫到少少手，但係就唔好期望太高。例如食完午餐冇時間刷牙，用佢來頂一頂都OK，起碼個口冇咁唔舒服。但係如果係牙肉問題或者本身有口氣，就真係要正經睇牙醫，唔可以靠支噴霧解決。 價錢方面都算合理，比起其他日本牌子差唔多。但係如果成日要用，消耗得都幾快，因為效果唔算好持久，要成日補噴。

日本人真係好著重禮儀✨Ora2 呢支細細支嘅口氣清新噴霧係每個女仔手袋必備！佢細支到好似唇膏咁，完全唔佔位 相信大家都有試過食完重口味嘢，特別係蒜頭之類，食完個口陣味一路都唔散，同人講嘢好尷尬。呢支嘢就係救星！佢唔係單純用死甜味蓋過臭味，而係有薄荷成分去中和異味。噴一下，成個口即刻涼浸浸，口氣清新返晒。 佢有好多隻味，甜甜哋易入口，唔會辣口；如果鍾意勁涼嘅可以用薄荷 不過佢始終係噴霧，效果大概維持 20-30 分鐘，如果有嚴重口氣問題或者食咗超勁嘅大蒜，可能都要配合漱口水先夠，但作為日常使用佢係好唔錯嘅 除臭力：⭐️⭐️⭐️⭐ 便攜度： ⭐️⭐️⭐️⭐️⭐️ 味道選擇： ⭐️⭐️⭐️⭐️⭐️ 持久度： ⭐️⭐️⭐️

平時都好鍾意日本呢啲生活小物 無形之間提升咗生活細節🧚‍♀️ 行Donki嘅時候見到就買咗嚟試 一用就超級鍾意❤️ 細細支放喺手袋好方便 就算係小廢包都放得落🤣 佢可以消除口腔內產生異味嘅菌🦠 食完飯噴一下喺口腔可以去除食物味 尤其係食啲比較重口味嘅嘢🧄就特別需要！ 飲完咖啡☕️/酒🍸呢啲濃味啲嘢

戴口罩戴牙套必備‼️我買嘅係青提子味味道甜甜的有少少薄荷好清新 疫情嘅時候要戴口罩 所以走左去箍牙  戴透明牙套 除左食飯同刷牙其他時間都要戴住 食完野就要即刻戴返牙套同口罩 焗住嘅味自己都頂吾順 係DONKI 買左ora2 口氣清新噴霧 噴完口氣清新多了 👍👍

作用唔大嘅口氣清新噴霧，但係帶出街細細支都算方便，價錢方面都算合理

方便攜帶,噴嘴設計不錯,容易使用， 而且能即時清新口氣。

現在不需要戴口罩了，這個在面對客戶、開會時簡直就是良伴，不會刺激口腔又能帶出清香去除口氣